Qeveria e Turqisë i shpalli masat e reja për pajtimin me pakicën kurde, si dhe për t’u dhënë fund dekadave të konfliktit me guerilët kurdë.
Ministri i Brendshëm, Besir Atallaj, i tha parlamentit se plani parashikon heqjen e të gjitha kufizimeve për përdorimin e gjuhës kurde, formimin e komitetit për luftimin e diskriminimit, rikthimin e emrave kurdë të fshatrave, si dhe themelimin e një trupi të pavarur për të trajtuar ankesat ndaj forcave të sigurisë.
Qeveria e kryeministrit Rexhep Taip Erdogan dëshiron t’u japë më shumë të drejta kurdëve, të cilët ankohen për abuzime dhe diskriminim.
