Agjencitë njoftojnë se ish ministri i jashtëm Mircea Geoana prin në garën presidenciale në Rumani.
Rumania votoi sot në rrethin e dytë të zgjedhjeve për president.
Presidenti i qendrës Traian Basesku u përball me sfiduesin Geoana, i cili drejton socialdemokratët e majtë.
Të dy kandidatët pohojnë se do ta nxjerrin vendin nga kriza e rëndë politike dhe ekonomike, do ta luftojnë korrupcionin dhe ta rikthejnë besimin e opinionit.
Në rrethin e parë të zgjedhjeve, Basesku fitoi 32.4 % ndërsa Geoana 31 % të votave.
