Presidenti i Shteteve të Bashkuara Barak Obama u ka bërë thirrje bankave amerikane që të japin më shumë kredi për të ndihmuar rritjen ekonomike në vend.
Në një takim me drejtorët ekzekutivë të bankave, Obama tha se bankat janë të “obliguara” të japin më shumë pasi u ndihmuan nga taksapaguesit amerikanë.
“Pas rimëkëmbjes me ndihmën e qeverisë amerikane dhe taksapaguesve amerikanë, bankat tona kanë më shumë obligim për rimëkëmbjen më të madhe, për sistem më stabil dhe prosperitet më të gjerë”, tha Obama.
