Emisari amerikan për Korenë e Veriut tha se çdo bisedim i ardhshëm për çarmatim do të duhet të merret me programin bërthamor të Koresë së Veriut.
Stefen Bosuorth u tha gazetarëve se Korea Veriore e ka vënë çështjen në tavolinë duke e pranuar programin për pasurimin e uraniumit, i cili atyre ua mundëson mënyrën e dytë për të bërë bombën bërthamore.
Bosuorth tha se javën e kaluar udhëtoi në Phenian në përpjekje për të bindur vendin që t’u krhehet bisedimeve bërthamore.
Zyrtarët amerikanë thonë se Bosuorth i ka dorëzuar një letër personale liderit Kim Xhong Il të shkruar nga presidenti Barak Obama.
Bosuorth nuk e konfirmoi letrën, por tha se ai nuk ka sjellë prapa asnjë porosi nga Kim dhe se nuk e ka takuar atë.