Kryeministri rus, Vladimir Putin ka kritikuar prishjen e një monumenti për luftën sovjetike në Gjeorgji. Putini propozoi ngritjen e një monumenti të ngjashëm në Moskë.
Monumenti prej bronzi 46 metra i lartë u prish në Kutaisi për të krijuar hapësirën e nevojshme për të ndërtuar parlamentin e ri.
Në të tjera zhvillime në raportet Gjeorgji-Rusi, raportohet se transmetuesi publik në Gjeorgji do të hapë kanale televizive në gjuhën ruse dhe në gjuhët e Kaukazit të Veriut përfshi atë çeçene.
Burimet në Tbilisi thanë se ideja kishte marrë një shtysë të re, veçanërisht pas luftës së gushtit të vitit 2008 mes dy vendeve.