Gjashtë njerëz kanë vdekur nga orteku i borës në pjesën italiane të Alpeve, njoftuan sot autoritetet lokale.
Viktima të ortekut janë dy turistë, të cilët të shtunën u shpallën të zhdukur, dhe katër shpëtimtarët, të cilët ishin nisur për t’i gjetur, njoftoi agjencia italiane Ansa.
Dy turistët, përkatësia kombëtare e të cilëve nuk është e njohur për policinë, u zhdukën teksa ishin duke u ngjitur maleve, ndërsa katër shpëtimtarët janë italianë.
Trupat e pajetë të tyre janë gjetur mëngjesin e sotëm.
