Shtetet e Bashkuara do të dërgojnë mijëra trupa në Haiti për të asistuar operacionet humanitare pas tërmetit shkatërrues të së martës.
3500 ushtarë do të dërgohen në Haiti, 100 nga të cilët do të arrijnë në vendin e ngjarjes gjatë ditës së sotme. 2200 marinsa amerikane shtesë do të dërgohen në Haiti për operacionet e sigurisë, të kërkimit dhe të shpëtimit.
Presidenti amerikan, Barak Obama, tha se “jemi solidarë me fqinjët tanë në jug”. Ai shtoi se trupat amerikane po ruajnë aeroportin e Porto Princit. Në aeroport kanë mbërritur aeroplanët e parë me ndihma nga Kina, Franca dhe Spanja.
