Kina do të përfaqësohet me zyrtar të nivelit më të ulët në bisedimet e ardhshme të fuqive botërore lidhur me programin bërthamor të Iranit. Lajmi bëhet i ditur nga Departamenti amerikan i Shtetit.
Të shtunën përfaqësues nga Britania, Kina, Franca, Rusia, Shtetet e Bashkuara dhe Gjermania do të diskutojnë në Nju Jork mundësinë e sanksioneve të reja ndaj Iranit.
Diplomatët pohojnë se nuk i dinë arsyet e përfaqësimit të Kinës me zyrtarë të nivelit jo të lartë, por sugjerojnë se kjo mund të jetë tregues i mos vullnetit të Pekinit për sanksione shtesë ndaj Teheranit.
