Përkundër problemeve të veta, Afganistani u ka dërguar ndihmë financiare viktimave nga tërmeti në Haiti.
Deklarata e zyrës së presidentit tha se 200 mijë dollarë në ndihma do të dërgohen sa më shpejt të jetë e mundur në këtë vend.
Kjo nuk është e para herë që qeveria afgane ka dhuruar ndihma për viktimat nga katastrofat natyrore.
Herën e fundit, qeveria e Karzait ofroi asistencë mjekësore, ushqim dhe tenda për të mbijetuarit nga tërmeti në pjesën pakistaneze të Kashmirit.
Vetë Afganistani vuan nga varfëria e madhe dhe është ndër vendet më të varfëra në Azinë Jugore.