Fragmentet nga filmi i njohur “Metropolis” nga viti 1927, që mendohej se janë humbur përgjithmonë, janë shfaqur sot për herë të parë.
Pjesët nga skenat e humbura u shfaqën në një ekspozitë në Muzeun e Filmit dhe Televizionit në Berlin, pasi kopja komplete e filmit u zbulua në Argjentinë në vitin 2008.
Ekspozita u mbajt disa javë para shfaqjes së filmit të restauruar në Portën e Brandenburgut në Berlin.
Regjisori i filmit, ekspresionisti Fric Lang, e portretizon një qytet me ndërtesa të larta, ku punëtorët janë bërë skllevër të makinave të mëdha.
Vepra konsiderohet të jetë një ndër filmat më të famshëm gjermanë.