Dy të dyshuar, 24 dhe 29 vjeç, të përkatësisë etnike serbe, janë arrestuar nga autoritetet e rendit, nga hetimet që janë zhvilluar nën dyshimet se kanë qenë të përfshirë në disa raste të “shkaktimit të rrezikut të përgjithshëm” në veri të Mitrovicës.
Në një komunikatë për opinion, policia e Kosovës ka sqaruar se gjatë bastisjes së shtëpive ku dy të dyshuarit jetojnë, është sekuestruar një sasi e konsiderueshme mjetesh shpërthyese dhe armësh të paligjshme.
