Departamenti amerikan i Shtetit ka shprehur shqetësime lidhur me mirëqenien e tre alpinistëve amerikanë, të cilët janë burgosur në Iran që nga korriku.
Zëdhënësi J.P. Krouli tha se refuzimi i Iranit që diplomatët zviceranë t'i vizitojnë alpinistët në burgun Evin në Teheran, është "fyerje" dhe shkelje e marrëveshjeve ndërkombëtare.
Zvicra i përfaqëson interesat amerikane në Iran sepse Uashingtoni dhe Teherani nuk kanë marrëdhënie diplomatike.
Uashingtoni thotë se tre alpinistët janë arrestuar kur gabimisht kanë hyrë në Iran nga Iraku.