Sekretari i përgjithshëm i NATO-s, Anders Fog Rasmussen, sot u shpreh i befasuar se Rusia ende e konsideron aleancën ushtarake kërcënim kryesor të sigurisë.
“Më duhet të them se kjo doktrinë e re nuk e pasqyron botën reale”, tha Rasmussen në margjinat e konferencës së sigurisë në Mynih.
Reagimi i tij vjen një ditë pasi presidenti i Rusisë Dimitri Medvedev e nënshkroi versionin e ri të dokumentit kryesor strategjik ushtarak të Rusisë, i cili e përcakton zgjerimin e NATO-s si njërin nga kërcënimet kryesore të Rusisë.