Rusia tha se është e shqetësuar me vendimin e Rumanisë për të lejuar vendosjen e interceptorëve raketorë në kuadër të planit të Shteteve të Bashkuara për mbrojtjen në Evropë.
"Sigurisht që jemi të shqetësuar dhe kërkojmë sqarim", tha ministria e Jashtme në Moskë.
Të enjten, Rumania njoftoi se këshilli i lartë i sigurisë ka miratuar vendosjen e mburojës, për të cilën Uashingtoni thotë se është e drejtuar kundër kërcënimeve aktuale raketore nga Irani.