Google, motori kryesor i kërkimeve në internet, njoftoi se në Iran përdoruesit e gmail-it, postës elektronike të kësaj kompanie, kanë probleme në qasje.
Google tha se është shënuar një rënie e ndjeshme në përdorimin e adresave gmail në Iran. E përditshmja amerikane, “Wall Street Journal” raportoi se regjimi iranian synon të bllokojë të gjitha adresat në gmail. Teherani planifikon hapjen e një adrese të re kombëtare për postën elektronike.