“Republika Serbe e Bosnjës nuk do të votojë për ndarjen siç po përpiqen ta paraqesin disa njerëz qëllimkëqinj”, deklaroi për mediat serbe Millorad Dodik.
Dodik shtoi se “askush nuk mund të përjashtojë tërësisht se do të ngrihen çështje që kanë të bëjnë me statusin e Republikës Serbe”.
Kryeministri i serbëve të Bosnjës i bëri komentet pak ditë pasi parlamenti i këtij entiteti miratoi ligjin që lehtëson mbajtjen e referendumeve.
