Presidenti Barak Obama ka ofruar 8 miliardë dollarë në formën e kredive të buta për të ngritur centralin e parë bërthamor në afro tre dekada. Obama tha se Shtetet e Bashkuara kanë nevojë të rrisin sasinë e energjisë nga burimet bërthamore dhe të luftojnë ndryshimet klimatike.
Presidenti amerikan nuk e përmendi emrin e kompanisë fituese të kredisë, që do të jetë dhe ndërtuesja e centralit bërthamor.