Presidenti Barak Obama ka bërë publik planin e tij të kompromisit rreth reformës shëndetësore në Shtetet e Bashkuara. Plani ka një vlerë prej 1 trilionë dollarësh dhe synon t’i ofrojë shërbime shëndetësore më shumë se 31 milionë amerikanëve që nuk janë të siguruar.
Gjatë javës presidenti Obama do ta diskutojë planin me përfaqësuesit e demokratëve dhe republikanëve në Kongres.
Reforma në sigurimet shëndetësore ka qenë një nga premtimet kryesore të Obama gjatë fushatës zgjedhore.