Presidenti rus, Dimitri Medvedev, dhe ai amerikan, Barak Obama, kanë rënë dakord që të kërkojnë nga ndërmjetësuesit e vendeve përkatëse, për marrëveshjen e çarmatimit, të shpejtojnë punën. Deklarata u bë nga shefi i Kremlinit pas një bisede telefonike Medvedev-Obama.
Shtetet e Bashkuara dhe Rusia prej disa muajsh po bisedojnë për arritjen e një marrëveshje të re mbi çarmatimin, që do të zëvendësojë marrëveshjen e vjetër, afati i së cilës përfundoi më 5 dhjetorin e vitit të kaluar.
