Dhjetëra mijë protestues u grumbulluan sot në qendër kryesore tregtare të Bangkokut, duke u kërcënuar se do të mbeten aty derisa kryeministri i Tajlandës të shpallë zgjedhje të reja.
Protestat e ithtarëve të ish kryeministrit Thaksin Shinauatra, të cilat kanë hyrë në ditën e 21-të, kanë detyruar shumë shitës që t'i mbyllin dyqanet dhe e kanë paralizuar trafikun në kryeqytet.
Protestuesit kërkojnë që kryeministri Abhisit Vexhaxhiva të mbajë zgjedhje të reja, pasi siç thonë, ai erdhi në pushtet me grusht shtet ushtarak.