Kryeministri i Greqisë kërkoi aktivizimin e paketës financiare nga Bashkimi Evropian dhe Fondi Monetar Ndërkombëtar, e cila synon ta nxjerrë vendin nga kriza.
Zyrtarët grekë këmbëngulnin se qeveria parapëlqen të huazojë para nga tregjet financiare, por kryeministri George Papandreu kërkoi aktivizimin e paketës prej 45 miliardë euro, duke e quajtur “nevojë kombëtare”.
Thirrja vjen një ditë pasi shifrat e BE-së treguan se deficiti buxhetor i Greqisë është më i madh sesa mendohej më parë.
Në një anketë të publikuar sot, grekët besojnë se ndihma nga FMN-ja do ta dëmtojë vendin.
