Një nga drejtuesit e opozitës në Iran, Mehdi Karubi, ka shtuar kritikat ndaj sistemit të drejtësisë dhe ligjvënësve konservativë. Karubi, përmes një deklarate në faqen e tij të internetit, i cilësoi këto dy institucione si instrumenta për të goditur aktivistët që kërkojnë reforma.
Deklaratat u bënë në prag të 1-vjetorit të zgjedhjeve kundërthënëse presidenciale. Opozita iraniane thotë se presidenti Ahmadinexhad u rizgjodh përmes vjedhjes masive të votave dhe ka bërë thirrje për protestë masive.
