Presidenti i Iranit Mahmud Ahmadinexhad tha se marrëveshja për këmbimin e karburantit bërthamor që u ndërmjetësua nga Turqia dhe Brazili muajin e kaluar është një rast që “nuk do të përsëritet”.
Ai poashtu tha se Irani nuk do të dakordohet me bisedime për programin bërthamor të tij nëse Këshilli i Sigurimit miraton sanksione të reja.
Ahmadinexhad i bëri këto komente në Stamboll ku merr pjesë në samitin rajonal.
Këshilli i Sigurimit mund të votojë këtë javë për rezolutën e re për të vendosur raund të ri sanksionesh ndaj Iranit për shkak të programit bërthamor të tij, për të cilin Perëndimi druan se synon prodhimin e armëve bërthamore, gjë që Irani e mohon.