Kryeministri i Rusisë Vladimir Putin tha se "praktikisht është dakorduar" rezoluta e Këshillit të Sigurimit për vendosjen e një raundi të ri sanksionesh kundër Iranit.
Putin poashtu tha se do të takohet me presidentin iranian Mahmud Ahmadinexhad anash samitit rajonal në Stamboll.
Putin tha se sanksionet e Kombeve të Bashkuara nuk do të duhej të jenë të tepruara.
“Nuk mendojmë se rezolutat duhet të jenë të tepruara, dhe ta vënë Iranin, udhëheqjen e tij, dhe veçanërisht popullin iranian në situatë që i krijon bariera për zhvillim e energjisë bërthamore paqësore”, tha Putin.
Po sot në Stamboll, Ahmadinexhad e paralajmëroi Rusinë të mos u mbajë anën armiqve të Iranit.
Ai tha se marrëveshja për këmbimin e karburantit bërthamor që u ndërmjetësua nga Turqia dhe Brazili është rast që “nuk do të përsëritet”.
