SHBA: Paditet i dyshuari për sulm me bombë në Nju Jork

I dyshuari për sulm të dështuar me bombë në Times Square të Nju Jorkut, Faisal Shahzad, është paditur nga autoritetet amerikane.

Ai akuzohet sipas 10 pikave, përfshirë përpjekjen për përdorim të armatimit për shkatërrim në masë.

Faisal Shehzad, shtetas amerikan me origjinë pakistaneze, është akuzuar për parkimin e makinës, që përmbante bombë në Times Square, më 1 maj të këtij viti.

Nëse shpallet fajtor, ai mund të dënohet me burgim të përjetshëm.