Presidenti i Venecuelës Hugo Çavez u takua me presidentin e Sirisë Bashar Asad, dhe i bëri thirrje Amerikës Latine dhe botës Arabe që t’i luftojnë ato që ai i quajti interesa amerikane në botë.
Gjatë takimit në pallatin presidencial, Çavez i tha homologut Asad se është i nderuar ta mirëpresë liderin e Sirisë në vizitën e parë të tij në Amerikën Latine.
Dy vendet kanë nënshkruar marrëveshje të numërta viteve të fundit, përfshirë planet për të ndërtuar një rafineri nafte në Siri me kapacitet prej 200 mijë fuçi.
