Në një letër drejtuar peshkopëve belgë, Papa Benedikti XVI i ka cilësuar si "befasuese dhe për keqardhje" bastisjet e policisë së Belgjikës, e cila po i heton abuzimet seksuale të priftërinjve.
Në bastisjen në 24 qershor, policia konfiskoi afro 500 dosje dhe një kompjuter nga zyra e komisionit kishtar që i heton pretendimet për abuzime seksuale.
Policët gjithashtu e bastisën dioqezën e Brukselit në Mehelen, në veri të kryeqytetit.
Peshkopët belgë u mbajtën të izoluar për nëntë orë deri sa u krye bastisja.
