42 persona kanë vdekur dhe së paku 180 të tjerë janë plagosur kur dy atentatorë vetvrasës sulmuan dje një vend kulti sufi në qytetin pakistanez të Lahores. Qindra besimtarë gjendeshin në objektin e kultit në momentin e sulmit.
Askush nuk e ka marrë përgjegjësinë për sulmin, por ekstremistët islamikë e konsiderojnë sufizmin si heretik. Më herët ata kanë sulmuar vendet e kultit të sekteve jo sunite.
