Ndërlidhjet

Irani do të ndalë tregtinë në dollarë dhe euro



Mediat lokale cituan një zyrtar të lartë iranian të ketë thënë se Republika Islamike do të ndërpresë eksportet në dollarë amerikanë dhe euro, si hakmarrje për valën e re të sanksioneve nga ana e Kombeve të Bashkuara.

Nënpresidenti i parë Mohamed Reza Rahimi ka thënë se dollari dhe euroja janë “të ndyrë” dhe do të zëvendësohen me valutën iraniane rial, si dhe me valutat e vendeve tjera që pranojnë të bashkëpunojnë me Iranin.

Në korrik, Këshilli i Sigurimit vendosi një raund të ri sanksionesh për shkak të programit bërthamor iranian, për të cilin Perëndimi druan se synon prodhimin e armëve bërthamore.

Irani thotë se programi bërthamor ka vetëm qëllime civile.
XS
SM
MD
LG