Kremlini dhe presidenti i Bellorusisë sot shkëmbyen replika në debatin që e vë në pikëpyetje ardhmërinë e aleancës së tyre post sovjetike.
Presidenti bellorus, Aleksandar Lukashenka e akuzoi presidentin rus Dimitri Medvedev për shtrembërimin e komenteve të tij lidhur me njohjen e dy rajoneve separatiste të Gjeorgjisë.
Kremlini sot reagoi fuqishëm duke e akuzuar Lukashenkan për jokonzistencë, dhe u kërcënua ta publikojë përmbajtjen e plotë të takimit zyrtar të tyre.
Mosmarrëveshja ka shpërthyer për atë nëse Lukashenka ka premtuar ta njohë pavarësinë e Osetisë së Jugut dhe Abkhazisë.
Medvedev tha se Lukashenka është zotuar për këtë, por pastaj ka dështuar ta mbajë premtimin.