Organizata humanitare "Oxfam" ka bërë thirrje për fillim të menjëhershëm të rindërtimeve në Pakistan, për të parandaluar që katastrofa e vërshimeve të shndërrohet në një katastrofë afatgjate.
"Oxfam" tha se nevoiten miliarda dollarë për rindërtimin e shkollave, rrugëve, urave dhe spitaleve.
Organizata gjithashtu paralajmëroi se operacionet e pastrimit mund të zgjatin me muaj, duke lënë të kuptohet se miliona njerëz mund të përballen me dimrin në tenda të përkohshme apo nën qiell të hapur.
