Sekretari amerikan i Mbrojtjes, Robert Gejts tha se ai kishte parë dëshmi të forta se po forcohet strategjia kundër kryengritësve në provincën Kandahar në Afganistanin jugor.
Gejts i takoi trupat amerikane që i luftojnë talibanët dhe milicitë islamike në brendi të vendit.
Trupat e NATO-s, e sidomos forcat amerikane, kanë humbur numër rekord të ushtarëve në luftën kundër talibanëve në muajt e fundit.
Sipas agjencisë AFP, këtë vit janë vrarë 326 ushtarë amerikanë, nga gjithsejt 493 të vrarë nga forcat e koalicionit.