Papa Benedikti i XVI-të fillon sot një vizitë zyrtare në Angli e Skoci, si pjesë e përpjekjeve të tij për të forcuar krishtërimin në vendet evropiane, që janë shoqëri thellësisht sekulare.
Vizita e kreut të Kishës Katolike vjen në kohën e kundërthënieve të shkaktuara nga deklaratat e kardinalit gjerman Uollter Kasper, njëherësh këshilltar kyç i Papës. Kasper ka pohuar se Britania moderne i ngjan një vendi të botës së tretë ku ndihet një ateizëm agresiv. Vetë Kasper ka anuluar udhëtimin drejt Britanisë me Atin e Shenjtë, për shkak të problemeve shëndetësore, ka njoftuar Vatikani.
Papa do të pritet dhe nga Mbretëresha Elizabetë.
