Dy protestues janë vrarë sot kur u përpoqën të hyjnë në një bazë të NATO-s në Afganistanin jugor gjatë demonstratave që u nxitën nga raportet se në Shtetet e Bashkuara disa njerëz e kanë djegur Kuranin.
Gulab Kan Vardak, zëvendës shefi i policisë në provincën Uruzgan, tha se qindra njerëz dolën në rrugë në qarkun Kora, duke brohoritur “Vdekje Amerikës”, dhe duke hedhur gurë në bazën.
Vardak tha se ushtarët e NATO-s hapën zjarr ndaj protestuesve kur ata u përpoqën të hyjnë në bazë.
Dy protestues gjithashtu janë plagosur.