Zyrtarët në Kil thanë se makinat e shpimit kanë arritur të hapin një vrimë deri tek 33 minatorët e ngujuar, të cilët ndodhen në galeritë e nëntokës që nga fillimi i gushtit.
Megjithate, do të duhen javë të tëra që të zgjërohet vrima e thellë 630 metra, në mënyrë që minatorët të nxirren në sipërfaqe.
Ka shpresa se njerëzit do të mund të shpëtohen deri në fillim të nëntorit.
Minatorët mbetën të ngujuar kur u shemb tuneli kryesor i minierës së arit dhe bakrit San Hoze.