Një tërmet i fuqishëm me manjitudë 6.2 ballësh ka goditur rajonin Hindu Kush në verilindje të Afganistanit.
Raportohet se dridhja, e cila ndodhi pak para mesnatës sipas kohës lokale, i ka lëkundur ndërtesat në Kabul dhe disa zona fqinje në Pakistan.
Deri tash nuk ka raporte për dëme apo të lënduar.
Shërbimi Gjeologjik në Shtetet e Bashkuara tha se epiqendra e tërmetit ishte 75 km në juglindje të qytetit Faizabad, në provincën afgane Badakshan.
Shërbimi tha se toka u drodh në thellësi 200 km.