Ambasadori i Francës në Beograd, Zhan-Franso Teral tha se bisedimet ndërmjet Prishtinës dhe Beogradit dhe procesi i integrimeve të Serbisë nuk janë çështje të ndërlidhura, por është e rëndësishme që ato bisedime të fillojnë.
“Këto dy tema nuk janë në lidhje të drejtpërdrejtë. Pranimi i rezolutës së përbashkët krijoi klimë shumë të favorshme, dhe vendet e BE-së kështu e shohin këtë situatë”, tha Teral.
Sipas ambasadorit francez, bisedimet Prishtinë-Beograd do të fillojnë në mënyrë “shumë diskrete” dhe do të zhvillohen për “temat më të lehta dhe më të qarta”.
"Nuk mund t'a paragjykojmë as formën, as kalendarin e as vendin”, shtoi Teral.
