Mediat raportuan se Konservatorët dhe Kristian-demokratët në Holandë kanë arritur marrëveshje me grupimin kundër islamik "Partia e Lirisë", e drejtuar nga Gert Uilders për formimin e qeverisë së pakicës.
Marrëveshja u arrit katër muaj pas zgjedhjeve parlamentare pas disa javë negociatash.
Uilders citohet t'a ketë përshëndetur marrëveshjen si "historike", duke thënë se partia e tij do të jetë në gjendje "të ushtrojë ndikim jashtzakonisht të madh".
Grupet e myslimanëve në Holandë kanë shprehur shqetësime për përzierjen e tij në qeveri.
Uilders, i cili e ka krahasuar Kuranin me librin e Adolf Hitlerit "Mein Kampf", aktualisht po gjykohet nën akuzat për nxitje të urrejtjes dhe diskriminimit kundër myslimanëve.
Gjykimi i tij do të vazhdojë të hënën.
