Policia e Kosovës ka arrestuar gjatë ditës së sotme një ish drejtor të përgjithshëm të kompanisë së sigurimeve "Dardania", njofton EULEX-i. Arrestimi nga Task Forca Anti Korrupsion e Prokurorisë Speciale të Kosovës u bë bazuar në hetimet për krim financiar.
I pandehuri, në prani të avokatit të tij mbrojtës, është duke u marrë në pyetje nga një prokuror i Prokurorisë Speciale.
