Rreziku potencial i një lufte globale mes monedhave të vendeve të ndryshme do të jetë në krye të agjendës së takimit mes Fondit Monetar Ndërkombëtar dhe Bankës Botërore.
Kreu i FMN-së, Domenik Shtraus Khan, ka deklaruar për mediat franceze se “zhvlerësimi i qëllimshëm i juanit kinez është burim i tensioneve në ekonominë botërore dhe rrezikon të shndërrohet në kërcënim”.
Presidenti i Bankës Botërore, Robert Zollik, tha se zhvlerësimi i qëllimshëm i monedhave nga shtete të caktuara me qëllim të rritjes së eksporteve nuk është politikë që funksionon.
