Në Argjentinë janë pezulluar të gjitha ndeshjet futbollistike të fundjavës për shkak të vdekjes së ish presidentit Nestor Kirhner, burri i presidentes aktuale Kristina Fernandez.
Zyrtarët thanë se Kirhner, i cili ishte president në vitet 2003-2007, vdiq të mërkurën nga ataku kardiak në moshën 60 vjeçare nëq ytetin jugor El Kalafate.
Gruaja e tij e trashëgoi në vitin 2007, pasi Kirhner ndihmoi ta nxjerrë Argjentinën nga kriza e rëndë ekonomike.
Ndërkohë, presidenti i Venecuelës Hugo Çavez, aleat i majtë i presidentit të ndjerë, ka shpallur tre ditë zie në Venecuelë.
Argjentinës i janë dërguar ngushëllime edhe nga presidenti amerikan Barak Obama, Kombet e Bashkuara dhe Fondi Monetar Ndërkombëtar.