Sistemi i sotëm financiar ndërkombëtar duhet të ndryshojë dhe ta kthejë arin si pikë referimi në tregtinë ndërkombëtare. Vendosja e arit si pikë referimi adreson më mirë rreziqet nga inflacioni, deflacioni dhe problemet që lidhen me vlerën e monedhave të ndryshme. Ndonëse në librat shkollorë ari shihet si para e së shkuarës, tregjet në ditët tona po përdorin sot arin si aset alternativ, shkruan Robert Zollik.
Zollik, president i Bankës Botërore, në të përditshmen Financial Times thekson se sistemi financiar i njohur si "Bretton Woods II", i vënë në zbatim në vitin 1971, duhet të ndryshojë. Sipas Zollik kjo do të marrë kohë, por duhet të nisë menjëherë, nëse duam të mënjanojmë të ashtuquajturën luftë të monedhave.
