Sekretarja amerikane e Shtetit, Hillari Klinton u zotua se do të gjendet mënyrë për të ecur përpara me procesin e paqes në Lindjen e Mesme.
Klinton i bëri këto komente para takimit me kryeministrin e Izraelit, Benjamin Netanjahu.
Administrata e SHBA-ve i ka kritikuar planet e fundit të Izraelit për ndërtimin e 1.300 shtëpive të reja në Jerusalemin lindor, ku palestinezët duan ta kenë kryeqytetin e shtetit të ardhshëm të tyre.
Bisedimet izrealito-palestineze nisën në shtator, por u pezulluan nga palestinezët pas refuzimit izraelit që t’i pezullojë ndërtimet në Bregun Perëndimor.