Kina dhe Japonia “duhet të ndjekin rrugën e paqes, miqësisë dhe bashkëpunimit”, i tha presidenti kinez Hu Xhintao kryeministrit japonez Naoto Kan, në një takim që shënon zbutjen e tensioneve mbi kontestet territoriale.
Liderët e dy ekonomive më të mëdha aziatike kanë mbajtur një takim bilateral në Jakohama, ku po mbahet samiti i APEC-ut.
Ndërkohë, mediat raportojnë se Kan i ka bërë të ditur preisdentit kinez se Tokio ka "qëndrim të fortë" në lidhje me ishujt e kontestuar, të cilët kanë qenë në fokus të tensioneve.