Kontingjenti i KFOR-it sllovak e ka përmbushur misionin e tij në Kosovë dhe ushtarët e fundit do të kthehen në Sllovaki këtë javë.
Trupat sllovake kanë shërbyer si pjesë e misionit të KFOR-it që nga shtatori i vitit 1999.
Komandanti i KFOR-it, Gjeneral Major Erhard Bühler ka shprehur mirënjohje për "shërbimin e shkëlqyer dhe performancën e jashtëzakonshme të ushtarëve sllovakë".
Më shumë se 2.000 ushtarë sllovakë e kanë mbështetur misionin e KFOR-it gjatë 11 viteve të fundit.
