Korea Jugore tha se Korea Veriore ka shkrepur dhjetra predha artilerie në një ujdhesë afër kufirit të diskutueshëm detar mes dy Koreve, nga të cilat u vranë dy ushtarë, ndërsa dhjetra civilë dhe ushtarë u plagosën.
Seuli tha se bombardimet nga veriu ishin “sulm i paramenduar” dhe shkelje e qartë e marrëveshjes së armëpushimit, që i dha fund Luftës së Koresë të viteve 1950-53.
Por Pheniani tha se Korea e Jugut hapi zjarr e para, duke e nxitur që të ndërmarrë reagim ushtarak.
Ky ishte ndër incidentet më të ashpra ndërkufitare ndërmjet dy Koreve që nga përfundimi i luftës.
SHBA e dënuan ashpër sulmin dhe konfirmuan se qëndrojnë fuqimisht përkrah Koresë së Jugut.
Rusia dhe Kina paralajmëruan të mos rriten tensionet.
Sekretari i përgjithshëm i OKB-së, Ban Ki-mun e dënoi sulmin duke e quajtur si “njërin nga incidentet mët ë rënda që nga përfundimi i Luftës së Koresë”.
Ambasadori Mark Lajall Grant, kryesues i Këshillit të Sigurimit, tha se nuk do të ketë sot mbledhje për incidentin.