Kryeprokurori i Tribunalit të Hagës, Sergj Bramerc, para Këshillit të Sigurimit të Kombeve të Bashkuara ka deklaruar se “Serbia mban çelësin e arrestimit të Ratko Mladiqit dhe Goran Haxhiqit”. Duke paraqitur raportin e rregull, Bramerc si shkak për brengosje ka apostrofuar “lëshimin e Serbisë për të arrestuar Mlladiqin dhe Haxhiqin” dhe ka shtuar se Beogradi duhet të “tejkaloi hendekun” ndërmjet gatishmërisë së shprehur për arrestim dhe punës operative në teren.