Ministri i Jashtëm i Serbisë Vuk Jeremiq, ka thënë se qëndrimi i Beogradit ndaj pavarësisë së Kosovës mbetet i pandryshuar .
Sipas tij, në këtë kuadër para politikës së jashtme serbe ka dy detyra.
E para është të sigurohet që të mos rritet numri i vendeve që e kanë njohur Kosovën, tha ai.
Detyra e dytë e diplomacisë serbe, sipas Jeremiqit, është që të ruhet “klima e shëndoshë ndërkombëtare” për dialogun ndërmjet Prishtinës dhe Beogradit.
Jeremiq i bëri këto komente në konferencën vjetore me ambasadorët e Serbisë.
Kryediplomati serb gjithashtu ka shfaqur shpresën se Serbia do ta fitojë deri në fund të vitit statusin e vendit kandidat për anëtarësim në Bashkimin Evropian.
