Paneli Zgjedhor për Ankesa dhe Parashtresa, ka shqyrtuar gjithsesi 71 ankesa të partive politike për zgjedhjet e 9 janarit. PZAP-i, ka urdhëruar KQZ-në që të bëjë rinumërimin e votave në 8 vendvotime. Katër vendvotime në Skenderaj, 3 vendvotime në Deçan dhe një në Drenas. Lajmin e ka konfirmuar kryesuesi Panelit Zgjedhor për Ankesa dhe Parashtesa Shukri Sylejmani.
Sylejmani i tha Radios “Evropa e Lirë”, se pjesë e këtij vendimi është edhe ajo që komisionarët për të cilët është thënë se kanë manipuluar në vendvotime nuk mund të kryejnë detyra të tillë për së paku tri vjet.