Komisioni i Ligjeve në Kuvendin e Shqipërisë ka miratuar ndryshimet në rregulloren e këtij institucioni, përfshi ndryshimet për kufizimin e imunitetit të deputetëve dhe autorizimin për ndjekje penale.
Ndryshimet janë miratuar vetëm me votat e deputetëve të shumicës, pasi ata të opozitës i kanë kundërshtuar propozimet e bëra duke i cilësuar si anti-kushtetuese.
Deputetet e Partisë Socialiste kanë kërkuar që ndryshimi i rregullores të përfshijë dhe ministrat, pasi propozimet aktuale nuk i prekin anëtarët e qeverisë.